ERTUTUR

Ertutur bas kalak karo ertina gelah kita sitandan sibar ja ndauh ras deherna kita ras temanta si ertutur,adi ertutur lit piga-piga bas kalak karo si man sungkunen emekap:

1.Kal kin mergandu(adi sidilaki)/beru sibabandu(adi sidiberu)
2.Bebere kai kam (beru kai nandenta)
3.Kempu kai kam (bebere kai nandenta)
4.Kai binuangndu (bebere kai bapanta)
5.Kai kampahndu (bebere kai nini bulang si mupus bapanta)
6.Kai solerndu (Kempu kai nandenta)

Enca kam ertutur enggo banci datndu tingkaten orat tuturndu arah "Tutur si Waluh Rakut Sitelu"sebab e jadi batangna kerina tutur kalak karo.